القائمة الرئيسية

الصفحات

10 حاجات مهمة تعلمهم لابنك في بداية تربيته

أهم مقال لكل أب و أم عاوزين يعلمو تربية اولادهم ازاي صح و كمان يعلموهم انهم يطلعو اذكياء 
نتيجة بحث الصور عن تاديب الاطفال
١٠ حاجات ممكن تعملهم لابنك اهم من انك تدخلة مدرسة ال ABC-XYZ الدولية المهلبية الي بعشروميت الف دولار :-
١ - وديه البريتيش كاونسل ٣ مرات في الاسبوع ، هيبقي بيتكلم انجليزي كويس احسن من ميس حسناء الي بتدرسله في المدرسة الدولية ، او مستر چون الي هو شغال سمكري سليسيون في بلجراد .
٢ - علمه قران ، هاتله واحد يحفظه او يعلمه ازاي يقرا الكتاب الي هيدخلك انت شخصيا قبله الجنه .
٣ - خليه يتعلم هواية . . . . اي حاجة لما يتضايق يفكر انه يعملها.
٤ - قوله " لأ " و صمم علي موقفك ، الموضوع ده مهم قوي ، 

مش كل حاجة هو عايزها لازم تتجاب ، مش كل حاجة انت مش عايز تجيبها لازم تشرح السبب ، مش كل اما يعيط لازم يصعب عليك , " ممكن يبقي بيستهبل " ، سيبه هيعيط شوية و بعدها هيبقي راجل .

٥ - علمه انه ميعليش صوته ، من غير ما انت تعلي صوتك ، في المانيا انا بركب القطر ١٠ ساعات جنبي اطفال جميع الاعمار عمرهم في التاريخ ما عيطوا ، و لا قريفوا ، و لا كانوا عايزين يرضعوا ، و لا زمزقوا ، و لا اتكرعوا ، العيب فينا احنا مش في الطفل . هو بيسلك نفس سلوكنا احنا.
٦ - متقفش ابنك و هو بيعمل حاجة غلط عشان تذله و تكسر عينه ، و تقعد تقوله كل شوية
" خارج مع محمد برده - و لا خارج مع احمد صاحبك الشمام زي ما قفشتك و انت بتكدب عليا يا كلب يا واطي يا زبالة من ١٠ سنين " لا ما تضربوا الواد بالرصاص احسن هههههه .
٧ - اوعي تقول لابنك انت فاشل . حتي لو هو فاشل. 

اوعي تقوله انت زبالة . حتي لو هو زبالة. 
اوعي تقوله انت مالك ياض جسمك عامل كده ليه ، 
حتة لو هو فعلا جسمه عامل كده ليه بالذات لو صغير .


٨ - متقولوش ابدا اي حاجة ، " وريه " ، 

متقولوش متعليش صوتك " بصوت عالي " ، 
متقولوش متكدبش و انت كداب ، 
متقولوش صلي و انت مبتصليش ، 
متقولوش ذاكر و انت بقالك ٢٠ سنة مفاتحتش كتاب .

٩ - استغل اي مصيبة هو عملها ، عشان تقوله " متقلقش " انا فى ظهرك ، كسر كوباية ؟ " قوله يلا نشيلها بسرعة قبل ما ماما تشوفنا " او العكس ، حسسه ان مش كل الناس ضده .

١٠ -و دي الاهم - انك تصحي كل اليوم الفجر ، و تدعي في كل صلاة لولادك و متياسش و تصر و تلح في الدعاء كل يوم ، كل يوم ، دي تكفي جدا ان شاء الله .
ربما تحتوي الصورة على: ‏‏نص‏‏

هعمل كده مع ولادي باذن الله 

تعليقات

Ads by Google X